人在海外看報紙 台灣代誌一大拖 一佰外冬受折磨 戒嚴惡法才來煞
登輝撕破黑名單 百姓想要好生活 獨立種子慢慢大 那知美夢被打破
社會黑道亂主吪 一仙一仙像大官 公共工程任搬 街頭巷尾攏鱸鰻
治安警察不敢看 大尾叫人刣法官 法官被刣不敢講 大展色情做龜公
設置賭場做店東 地下錢莊亂亂蹤 掠人逼債像閻王 少年飆車像抓狂
亂亂刣人結歸黨 社會病態像中風 這款國家一定亡 亡國之恨說不盡
解救台灣著趕緊 掃黑工作著認真 大家不通顧自身 我來編歌大家評
是好是歹莫論斤 翻開勸世古早人 三世因果是主因 仙佛勸人要做好
好人好報不是無 不通學人做大哥 世間不是好七迌 這世欺人後世報
一分一毫無差錯 勸善歌詩第一抱 這本歌詩真多集 雖然文雅卡不及
但是韻腳真好入 奉勸大家要學習 民間七字沒外深 文人雅士用詩吟
這是民間兮集錦 古早七字入文林 聽著七字就入心 親像唱歌彈月琴
句豆優美春風臨 百般文章重入境 七字歌詩上蓋清 描寫開台兮背景
或是說唱故事明 男女情歌唱沒停 挽茶山歌天韻成 播田討海照常用
入厝嫁娶又添丁 收冬入倉農家閒 厝埕廣闊天清清 一輪明月掛天頂
全家坐在椅條前 來聽七字真正經 這是古早兮真景 如今進入工商界
本土文化攏嘸知 尤其少年上蓋害 吃好穿好煞痴呆 正當娛樂無處排
成群結黨想相刣 每日吃飽笑咳咳 嘸知艱苦頂一代 嘸知賺錢由那來
孝順父母是海海 待人接物全嘸知 敬老尊賢閣卡害 對人講話是真歹
三句二句靠後台 真是台灣兮悲哀 沒想台灣兮早前 鄭王擲乎伊滿清
看咱台人沒路用 受苦一程又一程 親像宮女落冷宮 台灣擲乎日本狗
日本欺咱是足夠 囝仔聽著嘸敢哭 廢除漢文改姓頭 台灣特產任伊偷
軍伕替伊清大炮 海外戰死目屎流 最後擲乎支那豬 第一刣人是陳儀
台灣精英攏刣死 大嘴吃咱蓬萊米 反攻大陸待時機 教育攏無蕃藷味
台灣地位已成謎 今日我來編歌詩 叫醒蕃藷我甲你 台灣情勢漸漸重
美國不敢台灣放 日本想法亦相同 亞太中心開新港 共產主義已無望
中共國庫真虛空 大家團結別擾動 咱是勇敢台灣人 寶島永遠吃末空
1996-10-20 寫於溫哥華
|
我愛台灣－勸世文(一) 